下周二六合彩 一注獨得有半億

【明報專訊】正式踏入暑假，下個禮拜二（7月22日）嘅六合彩亦加碼開心吓，馬會推出3800萬元金多寶，估計連埋投注額，最後如果10元一注獨中頭獎，幸運兒就可以攞走5000萬元，係歷來暑期金多寶攪珠嘅最高獎金。


馬會話，對上一次暑期最多金多寶獎金係2009年7月28日，獎金達3047萬元。不過，Emily同事提醒，5000萬唔係最高派彩，舊年12月10日，喺連續7期無人中頭獎下，有一個幸運兒一注獨得9095萬元。今次刀仔鋸大樹，會喺下周二晚上9點半揭曉，15分鐘前截止售票。