京東成網購吸金王

【明報專訊】騰訊控股（0700）同阿里巴巴舊年大鬥法，講起互聯網巨頭，大家一定諗起呢兩間公司。不過，原來全中國營業收入最高嘅互聯網公司，並唔係佢哋，而係京東商城。


內地艾瑞諮詢集團嘅數據顯示，京東商城舊年全年收入達到693.4億元人民幣，比騰訊嘅604.4億元人民幣多，更拋離第三名嘅阿里巴巴。果然，相比Call的APP呢類燒錢生意，網購才是王道。不過，京東贏咗量但輸咗質素，毛利率不足10％，騰訊同阿里巴巴毛利率都超過五成，賺嘅錢就多得多。


以往京東只靠網購，舊年佢「搣」走「商城」呢兩個字，又學騰訊大搞網絡金融，似乎想同騰訊爭一日之長短，做真正網企之王。不過，爭嚟爭去，騰訊早就入股京東，旗下嘅QQ網購等亦已併入京東，要驚嘅，應該係已經擇咗吉日上市嘅阿里巴巴。


[小琴密語]