社運女何潔泓家遭白撞

【明報專訊】積極參與社運嘅學聯成員何潔泓（Willis，圖）被稱為「學聯女神」，有好多人想認識佢係好正常，但估唔到有人扮佢同學，搵到去佢屋企。


Willis同Emily講，事發時佢唔喺屋企，由屋企人應門，拍門嘅一男一女自稱係佢同學，又問「何潔泓係咪喺度住㗎？你係佢邊個呀？」屋企人話呢兩個人睇落唔似Willis嘅年紀，所以有懷疑，於是求其打發咗佢哋走。


Willis知道之後覺得有啲驚，話唔知道對方身分，但佢話對方有佢嘅地址，應該都可能搵到佢嘅facebook同手機號碼，希望啲人唔好毫無預警走上佢屋企，請用番正常途徑搵佢咁話。