城市論壇衝突 重案約長毛助查

【明報專訊】上星期剛刑滿出獄嘅社民連立法會議員梁國雄（長毛）星期日參與《城市論壇》，有示威者向佢抗議叫囂；長毛透露前晚收到重案組電話，對方話有兩單案要佢助查，兩單都喺維園發生，有人報稱被長毛襲擊，亦有人報稱睇到長毛襲擊市民。但長毛同警方講自己唔得閒，希望立法會休會後先至去警署，暫時未約定時間。


「保衛香港運動」同「匯賢起動」就發表聯合新聞稿，話當日喺城市論壇衝突中，受傷嘅郭女士係以保衛香港運動成員身分參加論壇，又話當時郭女士手持碌柚葉向長毛表達訴求，但長毛隨即轉身用力喺佢臉上推咗一下，郭女士事後去咗東區醫院驗傷。


列聲稱襲擊 警：公正調查

警方發言人話案件列作「聲稱襲擊」，由東區重案組第二隊跟進，會聯絡目擊者同涉案男子跟進，又話警方會按既定程序，不偏不倚、公平公正調查案件。