導盲犬Nana獲員工證

【明報專訊】喺社交網站facebook擁有個人網頁嘅明星導盲犬Nana，噚日「公布」喜訊，Nana跟主人返新工一個月，新公司就向Nana發出佢導盲犬生涯之中第一張職員證（圖），覺得好感動。Nana又話，行政部嘅哥哥好體貼，劃咗個非常寬闊嘅位畀佢坐，又有職員送上新頸巾，仲可以免纏狗繩「自由行」。Nana話可能自己眼神搞笑，令辦公室氣氛輕鬆喎。


根據facebook上載嘅相，Nana張職員證顯示工作嘅公司係康宏理財，由於美國微軟公司嘅導盲犬BB跟主人返工，都會獲發一張職員證，佢家工作嘅公司都仿效呢個做法，希望國際化。Nana嘅主人係失明馬拉松運動員傅提芬，提芬自小有深近視，2006年因為青光眼完全失明。