中方要求睇《紙牌屋》劇本

【明報專訊】Netflix神劇《紙牌屋》（House of Cards）靠寫實、精彩嘅劇情受到各地影迷歡迎，連內地官員都甚為捧場。近期該劇組向聯合國申請借用會議室嚟拍戲，據講有中方官員為咗可以一睹為快，就趁機要求審閱有關劇本。


申請借聯合國會議室拍劇

《紙牌屋》劇情講美國政治黑幕本身已夠引人入勝，加上前一季涉及到中國太子黨、富二代嘅情節受到激讚，喺內地政府內都有唔少粉絲。之前不久中紀委更曾以劇中主角Frank Underwood為例說明美國腐敗問題。


聽講該劇劇組近期申請喺聯合國會議室內部拍攝兩集劇集，《華爾街日報》引述美國《外交政策》雜誌話，中國駐聯合國代表就趁機要求享有批准任何相關劇本嘅權利，藉此一睹《紙牌屋》新一季部分劇本為快。


不過影迷最終都無法欣賞到聯合國實景場面，事關俄羅斯外交官Mikael Agasandyan認為安理會會議室應隨時待命作緊急會議，亦不是拍攝電影、進行表演等活動的恰當場所，所以回絕有關申請。


email: piano@mingpao.com

[小琴密語]