博彩收入跌 賭場時運低？

【明報專訊】四年一次嘅世界盃威力巨大，甚至令6月份澳門賭場博彩收入4年來第一次下跌，按年跌咗3.7%。唔少外資投行噚日出報告尋找「死因」，都話巴西世界盃分散咗客源，係導致收入減少嘅主要原因，不過匯豐就加多個point，話賭場運氣較差都係一個重要因素，無錯，做莊都會時運低㗎。


上個月賭客話唔定好happy，皆因匯豐話據佢哋估算，澳門賭場上個月嘅贏率只得2.7%，所以收入無乜起色。不過，佢哋預計貴賓廳嘅人流回升，加上世界盃7月中就閉幕，匯豐估計隨着比賽愈來愈少，賭場生意會逐漸恢復正常。


世盃月中閉幕 賭客料回復

不過，小琴覺得，前提係大家賭波都有贏錢，唔係到時就真係無錢再去澳門搏殺啦。


[小琴密語]