慶回歸攤位 幫你認高官

【明報專訊】噚日係香港回歸17周年，多個團體於各區舉辦慶回歸活動，其中各界慶典委員會喺灣仔修頓球場舉行嘉年華會，約有200人出席。


除咗有因為「騎呢」MV成名嘅本地跳舞組合「天堂鳥」助興同武術等表演，場內有個攤位寫住「齊來認識香港特區官員」，將港府3司12局官員嘅大頭相全部貼晒喺攤位，話等市民認識佢哋邊個打邊個。其實環境局長黃錦星就喺現場主禮，等佢自我介紹可能仲好。


收集簽名反佔中

此外，名義上係嘉年華，其實現場幾個攤位就喺度收集市民簽名反對佔領中環行動，主辦團體話之後會將收集到嘅簽名交畀政府。