陳永棋那些年

【明報專訊】話說學民思潮與學聯宣布噚晚預演佔領中環遮打道同特首辦，畀人話時下青年行為好激進，噚日有份出席慶回歸活動嘅全國政協常委陳永棋，離開時被傳媒問到點睇學聯同學民仔嘅佔領行為，佢一開始都係話「表達意見唔緊要，一切要守法」，問問吓佢就爆自己喺1960年代尾，即讀書時其實都有「反」好多嘢，唔通六七暴動有佢份？陳永棋耍手擰頭，解釋當時佢喺美國讀大學，佢嗰陣時係反越戰！

「做任何嘢都要守法」

反越戰，Emily隨即問佢咁咪即係「Make love no war」（當年反越戰口號）？陳永棋就笑笑口，之仲答咗句「咁樣識女仔易啲嘛」。之後佢講番「正題」，話其實都係後生時嘅事，重申家反對任何嘢都好，一切都要守法。