新聞類別
港聞
詳情#
【明報專訊】繼星期日石崗同粉嶺新圍軍營開放畀公眾參觀，噚日就輪到昂船洲軍營開放，同樣吸引大批市民參觀，官方估計參觀人數多達1.5萬。
深圳專程到港參觀
到場原因人人唔同，有市民話「近近哋咪嚟睇吓囉」，亦有人扶老攜幼專程從深圳到港參觀。
70秒蒙眼嵌槍 觀眾叫好
軍營展出兩艘輕護艦、一艘導護艦及多輛裝甲車，更設有「模擬體驗區」，當中最受歡迎嘅活動係一系列軍隊演練。駐軍話當中「武器分解結合訓練演示」係今年新增項目，10名軍人分別示範喺限時內解組同裝嵌槍械，一支手槍佢哋唔使20秒就完成。佢哋之後仲挑戰蒙眼示範，喺睇唔到嘢之下都只係用咗70幾秒就將一支手槍加一支步槍成功解組再裝嵌好，觀眾都睇到拍爛手掌。
演練時有幾個計時員喺軍人背後即時宣布各人有冇得到「精英成績」，都咪話唔大壓力！現場就有小朋友見到軍人完成後忍唔住大叫﹕「好勁呀！」
深圳專程到港參觀
到場原因人人唔同，有市民話「近近哋咪嚟睇吓囉」，亦有人扶老攜幼專程從深圳到港參觀。
70秒蒙眼嵌槍 觀眾叫好
軍營展出兩艘輕護艦、一艘導護艦及多輛裝甲車，更設有「模擬體驗區」，當中最受歡迎嘅活動係一系列軍隊演練。駐軍話當中「武器分解結合訓練演示」係今年新增項目，10名軍人分別示範喺限時內解組同裝嵌槍械，一支手槍佢哋唔使20秒就完成。佢哋之後仲挑戰蒙眼示範，喺睇唔到嘢之下都只係用咗70幾秒就將一支手槍加一支步槍成功解組再裝嵌好，觀眾都睇到拍爛手掌。
演練時有幾個計時員喺軍人背後即時宣布各人有冇得到「精英成績」，都咪話唔大壓力！現場就有小朋友見到軍人完成後忍唔住大叫﹕「好勁呀！」
留言 (0)
