佔中義工擔櫈畀反佔中長者

【明報專訊】大家唔好以為長者對佔中好冷感，其實好多長者都想參加投票，奈何唔識上網。和平佔中全民投票噚日最後一日投票，喺全港設21個實體票站，有婆婆喺天水圍票站投票後特登留低，向其他「老友記」解釋投票嘅意義；而土瓜灣嘅牛棚票站係長者投票熱點之一，仲吸引咗一班長者去示威"口忝"！

一班聲稱行完山嘅長者噚日「自發」整咗幾張標語去牛棚票站抗議，叫大家要「飲水思源、感恩祖國」，雖然佢哋反佔中，但一班佔中義工見噚日氣溫高達32℃，不忍長者齋企示威太辛苦，擔咗一排櫈畀示威長者「靜坐」抗議。佔中發起人陳健民話，希望抗議長者都可以感受吓和平佔中嘅「愛與和平」啦！