馬會增設粵港盃

【明報專訊】鄧小平1980年代講過香港人回歸後可以「馬照跑、舞照跳」，象徵50年不變，而每年七一回歸紀念日都有馬跑，今年回歸馬仲加插新項目，舉行「粵港盃」賽事，象徵粵港兩地進一步合作同交流。融合係大勢，但近年爭議大，馬迷唔知受唔受呢？


要馬迷感受粵港交流成果

賽馬會明天（7月1日）會喺沙田馬場舉行「香港共慶回歸賽馬日」，2011年開始搞嘅「香港回歸盃」當然繼續，至於新加嘅「粵港盃」賽事目的，馬會話係希望可以讓入場者感受粵港體育文化交流合作嘅成果，指喺內地與香港更緊密經貿關係安排（CEPA）框架下，馬會成功協辦2010年廣州亞運會馬術比賽，支持廣東馬業發展，為兩地嘅馬術發展建立合作基礎。所以喺廣受市民歡迎嘅賽馬運動設立「粵港盃」賽，別具意義。