港鐵轉乘優惠站 又多5個

【明報專訊】港鐵噚日宣布，下月1日至2015年1月1日，使用成人八達通嘅乘客，乘搭梅窩、長洲、坪洲、榕樹灣或索罟灣往中環嘅渡輪後轉乘港鐵，只要喺新設於各渡輪碼頭嘅港鐵轉乘優惠站拍卡，然後即日內首次乘搭港鐵，喺中環站或香港站入閘，可享1.5元車費折扣。


該5個港鐵轉乘優惠站設於以下地點﹕梅窩碼頭入閘前、長洲碼頭入閘前、坪洲碼頭入閘後、榕樹灣碼頭入閘後、離開中環4號碼頭前（索罟灣航線出口）。Emily發現，下月1日新渡輪營運嘅中環至長洲渡輪加價，成人票平日加0.6元，周日加1元，市民搭長洲渡輪時拍卡，可抵銷船票加幅，都算有着數，不過優惠期只有半年。


小童下月起免費來往羅湖落馬洲

此外，港鐵再推出小童暑期乘車優惠，下月1日至8月31日，小朋友可免費乘搭港鐵來往羅湖或落馬洲站。乘客只須入閘前到港鐵客務中心出示有效小童八達通，就可換領優惠。