呼和浩特撤限購「見光死」

【明報專訊】內地樓市風聲鶴唳，前日內蒙古呼和浩特突然傳出取消限購，當地政府喺旗下一個官方網站發出通知，講明話唔再查買樓人士住房套數，仲放寬外地人去呼和浩特買樓，成為全國第一個全面取消限購嘅城市。


官方辯稱「打印錯誤」

不過，當地政府昨日突然反口，原本發布係網站上嘅通知文件連結都突然失效，文件被撤回。當地官員指文件有兩個字「打印錯誤」，好快會重新發布。不過直到尋晚，小琴都未等到文件擺番上官網。外界都擔心，呢個「取消限購」係唔係見光死？


查實呼和浩特雖然係省會，但論經濟程度都只係一個三線城市，過去樓價平穩，每平米均價只係7000幾蚊人仔，今年5月均價仲按月按年都跌咗，限購的必要真係唔大啦。