獄中長毛決覆核

【明報專訊】對於立法會行管會聽日限制早前因為集會被捕同被檢控嘅5個議員助理，唔可以進入大樓，工黨立法會議員張超雄強烈譴責，認為5名助理雖然被捕，但未經過審訊，所以未有罪，行管會唔應該剝削佢哋嘅工作權。人民力量陳志全引述喺獄中嘅社民連立法會議員梁國雄（長毛）話，將會對有關決定提出司法覆核。


長毛助理多 秘書處冇統計

對於有報道指長毛有28個議員助理，社民連副主席兼長毛助理黃浩銘同Emily講「我都唔知有咁多個」，佢話受薪助理有10個，亦有十幾個非受薪助理，主要幫手分擔工作。黃浩銘解釋為咗方便，唔使秘書處職員下下都要打電話上去長毛辦公室問，所以都會為非受薪助理申請證件，方便出入。


立法會秘書處話無統計過邊個議員有最多助理，但承認發出議員助理嘅證件，無嚴格嘅管理制度，只要有議員提供申請證件者嘅基本資料，秘書處就會簽發。