偲嫣入院唔會食嘢

【明報專訊】正義聯盟召集人李偲嫣星期日宣布絕食起，有網民成立監察組，睇實佢有無偷食，有讀者同Emily講，前晚凌晨兩點經過政總時，見到有神秘男子走入咗李偲嫣個營，拎咗個疑似飯盒嘅發泡膠盒，唔知係咪有食物。不過李偲嫣透過發言人蔡先生話絕對無偷食，又話男女有別，唔會有男盟友走入自己個營嘅，「咁夜都見得咁清楚，有透視眼咩？」


蔡生話，每當有網民帶食物去同偲嫣「打氣」，偲嫣就會激到血壓飈升，而噚日開始偲嫣因為頭暈要長時間瞓低，連聲都出唔到，所以由蔡生做代言人。蔡生話保安有提醒佢哋聽日政總外有集會，可能會有危險，但偲嫣話未有撤退打算。


點知入夜後，偲嫣友人喺網上話，偲嫣絕食失去意識，報警將佢送往醫院，Emily喺網上見到張相，偲嫣仲要戴氧氣罩。


其友人話，偲嫣已入病房休息，但唔會食嘢，表明「偲嫣人雖然在病房，但心仍在政總」。