新聞類別
財經
詳情#
【明報專訊】金融海嘯之後，為提升銀行從業員嘅素質、避免不良銷售手法，金管局一心想向業界引入優化專業能力架構（ECF），經過一年幾嘅時間諮詢同制定，個架構終於推出。以後私人財富管理從業員如果想加強競爭力，可以參加根據ECF而設計嘅訓練課程同考試，再加埋工作經驗，申請成為註冊私人財富管理師（CPWP），情况略似申領「Q嘜認證」咁。
報讀培訓課程考取資格
呢個架構屬非法定性質，成個課程分為兩部分，單元一涵蓋技術、行業及產品知識，單元二就有關專業道德同合規。參加者可以自修，或者參加總共52小時嘅培訓課程，然後再完成合共4.5小時嘅考試。
如果從業員係今年底前具備至少10年相關客戶服務經驗，就可獲豁免單元一嘅培訓課程同考試。如果報晒兩個單元嘅課程都考試，都要成13,600蚊架（見表）。金管局估計香港現有超過2500個私人財富管理從業員，當中1000個合資格獲得豁免。助理總裁戴敏娜話，估計最快明年首季會有第一批完成課程、獲CPWP資格嘅從業員出爐，相信會有充足嘅人有興趣參與認證。
[小琴密語 email: piano@mingpao.com]
報讀培訓課程考取資格
呢個架構屬非法定性質，成個課程分為兩部分，單元一涵蓋技術、行業及產品知識，單元二就有關專業道德同合規。參加者可以自修，或者參加總共52小時嘅培訓課程，然後再完成合共4.5小時嘅考試。
如果從業員係今年底前具備至少10年相關客戶服務經驗，就可獲豁免單元一嘅培訓課程同考試。如果報晒兩個單元嘅課程都考試，都要成13,600蚊架（見表）。金管局估計香港現有超過2500個私人財富管理從業員，當中1000個合資格獲得豁免。助理總裁戴敏娜話，估計最快明年首季會有第一批完成課程、獲CPWP資格嘅從業員出爐，相信會有充足嘅人有興趣參與認證。
[小琴密語 email: piano@mingpao.com]
留言 (0)
