「鼠戰中環」10月開賽

【明報專訊】每年嘅「鼠戰中環」賽跑活動，畀一批中環人扮鬼扮馬鍊番轉兼籌款，今年10月19日就開波。今次喺幾個唔同嘅路段，有唔少「難關」畀人挑戰。好似跑到上氣唔接下氣時，要用腦玩「數獨」或者畫畫咁。今年參加「鼠戰」嘅隊伍要由8個人組成，最少要籌到6萬蚊，最多60隊參加，名額先到先得。「佔領中環」亦係近排嘅熱門話題，唔知會唔會影響咗「鼠戰中環」，但主辦單位之一置地財務總監韋梓強（左二），噚日唔知係咪特別忙，無答到「佔中」對集團嘅業務，就急急腳走咗，睇嚟佢出戰「鼠戰中環」都應該有唔錯嘅成績。


[小琴密語]