AO歌王退休 楊立門再追音樂夢

【明報專訊】曾參加新秀歌唱大賽、有「AO歌王」之稱嘅54歲民政事務局常任秘書長楊立門，下個禮拜一開始退休前休假。喺政府做咗逾30年嘅佢好強調咁早退休，唔係因為「廚房太熱」提早「甩身」，事實係佢退休大計四五年前已諗好要休息一下，未來兩三年一定唔會做全職，只會做吓啲慈善團體工作，或兼職政府即時詮譯員，當然會追求自己歌唱興趣！佢話近兩年有學聲樂，未來可能會搞慈善演唱會，甚至網上分享個人歌曲，將來有機會仲願意同「官場技安」、平機會主席周一嶽高歌一曲！


認與林鄭一兩事拗撬

官場曾流傳楊立門同政務司長林鄭月娥不和，佢噚日承認曾同林太因一兩件事有拗撬，但呢啲都好正常，「傳聞係渲染咗」，仲透露林太有同佢搞farewell