阿里支付寶 將手機變「八達通」

【明報專訊】小琴以前時不時都會用支付寶錢包網購，噚日聽講支付寶即將有一個新功能——搭巴士地鐵嗰陣當八達通咁「嘟」。支付寶噚日喺微博話，支付寶同住建部合作，未來只要擁有一部有NFC功能嘅手機，就可以喺支付寶錢包領取一張「虛擬交通卡」並充值，一部手機就可以「嘟」曬全國嘅公交車同地鐵。支付寶仲特別強調，即使手機無電無信號，照樣可以「嘟」卡上車。


不過計劃啱啱至起步，未有正式推出時間，依家只有國產手機OPPO嘅三個型號手機支援呢個服務，包括N1、N1 mini同Find7，第一批推廣城市有35個，但除上海外，其他大型一線城市都不在名單內，連阿里大本營杭州都未入。有好多網友情緒激動，杭州網友大鬧「究竟支付寶是不是親生」，唔明杭州大本營點會唔試行，其他地方網友就列隊回覆自己嘅手機型號同城市，希望快啲用到呢項新服務。


email: piano@mingpao.com

[小琴密語]