港人自砌飛機 明年試飛

【明報專訊】機師鄭楚衡用6年時間同150萬元喺香港裝嵌嘅小型飛機，噚日終於裝好起落架，工程完成得七七八八。佢話，早前同民航處開會，對方口頭應承畀飛機喺機場試飛，估計下年初完成後，呢架機就會成為首架「香港裝嵌、認證」、喺香港起飛嘅飛機。


佢話作為港人，希望證明香港裝嵌嘅飛機係得嘅。佢用私己錢從外國廠商買實驗飛機、引擎同電路系統，同一間中學嘅學生砌機身，又搵本地飛機工程界幫手，仲獲港機工程借出場地砌機。


倘獲認證 坐住環繞地球

呢架編號「B-KOO」嘅香港第一機，預計明年初喺香港國際機場試飛，預計飛4分鐘。如果獲民航處認證，鄭楚衡會單人匹馬揸呢架機環繞地球一圈，為香港慈善團體籌款。Emily喺呢度祝佢成功，為香港航空界增光。