黎文軒掌消防處

【明報專訊】服務消防處37年嘅陳楚鑫即將退休，Emily噚日收到政府公布，現任副消防處長黎文軒將喺下星期二（24日）接任，成為新消防一哥。黎文軒現年54歲，喺消防處已經服務34年，前年4月升為副處長，公務員事務局長鄧國威就讚黎文軒具豐富專業知識和部門運作經驗，但聽聞有前線人員話黎文軒工作上較少聽其他同袍意見，希望佢多啲同下屬溝通。


陳楚鑫9月屆退休年齡

9月才屆57歲退休年齡嘅陳楚鑫掌消防處差不多3年，任內有唔少風波，例如經歷花園街死因庭審訊，當時消防處被死因裁判官斥責一直未能查出起火原因。另外，佢亦一手推動消防員削減工時，由每周54小時減到51小時，但仍未能滿足工會要求嘅每周48小時，引發工會要按章工作抗爭。另外，黎文軒原來嘅副處長一職，將由「明日之星」助理處長 （總部）李建日升任。