民調﹕燈神Lulu可信過50年不變

【明報專訊】網上噚日瘋傳一張now財經台有關「甚麼最不可信？」嘅民調照片，圖片顯示截至中午1點幾，有82%嘅人揀「五十年都不變」，另外各有9%受訪者分別揀「股市出現六絕」、「樓市今年大跌」。不過，最令Emily同網民意外嘅係，竟然有個選項係有關大埔足球隊大使「燈神Lulu」（董嘉儀）。now證實呢個民調係真有其事，吸引過萬網民喺facebook瘋傳。


話說世界盃如火如荼，Lulu亦會喺網上估吓賽果，但就連續幾次都估錯晒，佢支持邊隊、著邊隊波衫，結果就會邊隊輸波，相當唔講得笑，「受害者」包括西班牙、英格蘭等勁旅，佢一早已被網民封為「燈神Lulu」，近排曝光率特高！