忌頭靠手柄 勿讓頸「凌空」

【明報專訊】球迷連夜觀賽易腰痠背痛，脊醫分析了四大睇波傷腰頸危機，除了坐卧姿勢不良外，原來球迷緊張時，頭會不自覺向前傾，足令頸椎額外受壓，而連夜睇波導致肌肉疲勞，都會引致肌肉痠痛。脊醫提醒球迷，睇波要注意姿勢，球賽中場休息時，球迷可做簡單頸部及腰部伸展運動，以減脊椎壓力。


緊張時頭前傾更受壓

球迷睇波的小動作或習慣原來暗藏危機，首先，投入時頭傾向前會令頸受壓。香港執業脊醫協會主席朱君璞指出，睇波太入神時頭會不自覺向前傾，使頸椎承受額外壓力，因此可用U形頸枕穩定頭部姿勢。


其次，不少球迷會將頭枕在梳化手柄，令頸部「凌空」，香港執業脊醫協會副主席陳允灝指出，頸部無承托會令頸椎受壓，而球迷到酒吧觀賽時，椅子未必有高椅背，背部同樣欠依靠，增加腰頸受損風險。


睡眠少肌肉繃緊

第三，超級球迷會晚晚通宵睇波，陳允灝表示，缺乏睡眠和休息會令肌肉繃緊，因此捱至八強或四強時，球迷腰背累積疲勞，可能會出現痠痛，增加休息及冲熱水涼都有助紓緩。


飲酒熟睡 身體受壓也不動

第四，長時間保持同一姿勢都會傷腰頸，陳允灝解釋，同一姿勢會令身體無法伸展及紓緩，因此觀賽時應盡量活動，不應保持同一姿勢超過30分鐘。他又稱，飲酒的球迷又多一點風險，因飲酒後令人較熟睡，本來身體受壓時，即使入睡，會自然移動避免維持受壓的姿勢，但酒精令人沉睡，不作移動，因此增加腰背痛風險。