三T加六合彩 夾埋派2億

【明報專訊】香港政治氣氣近排有啲亂，但馬照跑、六合彩照開，噚日沙田馬場賽事嘅三T彩池又無人中正獎，多寶去到9425萬元，馬會預計嚟緊周日（22日）三T正獎若10元一注獨中，彩金會去到1.4億元。而聽日（17日）開彩嘅六合彩頭獎亦達6800萬元。對上一次三T正獎派彩逾億，已經係2003年8月31日嘅2003/04年度馬季開鑼戰，當日三T正獎僅0.9注中，10元注派1.5億。


至於周二晚，自上月20日起近11期六合彩攪珠，當中9期頭獎懸空，其餘兩期亦只有半注中頭獎，聽晚嘅六合彩攪珠有5588萬元多寶，估計頭獎基金達6800萬元。7日內有超過2億元巨獎連環等住發放，名副其實「黃金周」。