義工聯盟主席 籲多讀白皮書

【明報專訊】特首梁振英（CY）前日強烈譴責衝擊立法會嘅示威者變本加厲，噚日就去咗尖沙嘴海旁，出席香港義工聯盟成立典禮，不過，現場嘅歡欣氣氛就畀森嚴嘅守衛冲淡咗啲，除咗有大量黑衣保安現身外，仲有重重鐵馬圍起個台，連記者都埋唔到佢身，Emily同行家想問多兩句都唔得。


CY話，截至今年4月底，已經有逾120萬名登記義工。雖然噚日嘅主題係義工，但香港義工聯盟主席譚錦球請得CY都好識做，喺致辭時呼籲年輕人多讀上個禮拜國務院發表嘅《「一國兩制」在港實踐白皮書》，又叫佢哋唔好參加違法嘅佔中行動，佢仲宣布將7月1日定為「義工聯盟社區服務日」，等年輕人可以活出豐盛人生喎。