新聞類別
副刊
詳情#
【明報專訊】施魅力
一九四四年香港出生，曾當辦公室助理、臨記及同志熱線義工。單身獨居。
「﹙小時候﹚施魅力父親每天只給他六毛錢，他每日上學來回車費用了三毛，午飯是一毛炒麵，一毛炒粉，一毛番薯糖水。早餐沒有預算，只好一早去聖堂做彌撒，為了得到一張換取食物的贈劵︰『好似Oliver Twist咁攞張換物劵，可以換一碗麥皮同一個麵包。』」
陳伯 ﹙已歿﹚
一九二四年內地出生，曾當電影拷貝運送員、眼鏡師傅及保安。已婚，兒孫滿堂 。
「﹙戰後﹚英軍接收香港，通街都係垃圾，好多……後嚟英軍收復香港嘞，就想出一個方法，因為糧食最重要，佢呢就每日畀一蚊你，請人清潔啲街道，咁呀好多人都走去做啦，冇嘢做，你梗係做。」
明哥 ﹙已歿﹚
一九三五年汕頭出生，曾當紗廠左派工人、涼茶舖、大排檔、白牌貨VAN司機。已婚，有子女。
「我好肯學㗎，我以前喺布行做，聽收音機，嗰啲粵曲呀，以前《華僑報》就會登粵曲嗰啲歌詞出嚟，咁又照睇佢粵曲啲字，睇到唔識，我就唔怕醜，我問我哋飲茶嗰啲人，先生，呢個咩字？我靠呢啲學返嚟，唔係真係唔識字㗎。」
Robert 英國人
一九四七年倫敦出生，英國人，曾當香港皇家警察、從商及教書。在英國與男伴侶取得法定伴侶關係。
「在﹙警隊﹚受訓時我認識了兩名男同志警察，但是我們很少談論。我想是太害怕了。大家心中有數。我們很害怕，因為那是違法的，你可能因此而要吃上多年的監牢飯。是的，那真是個壓抑的年代。對每個人都一樣，不只是警察。那就是當時的香港。」
伍梅神婆
一九四○年韶關出生，七十二行做勻。單身獨居。
「初初入去做嘅，嗰啲叫做印刷舖，打燈呀，打碳精燈又做過，人哋入去冲印房睇住人哋做嘢呢，師傅無教嘢喎，你睇到多學幾多㗎喎。嗰時喎，一早返到去煲茶水掃地喎，我又捱過，哈，我都真係捱過，七十二行我做勻喇，印刷嘅我又做過；呀，呢個叫做咩呢個收音錄音我又做過，呢個相機我又做過，都係工廠嘅。你就算做到叻一叻都好啦，都無用家嘛。因為你冇學歷，冇文采。」
一九四四年香港出生，曾當辦公室助理、臨記及同志熱線義工。單身獨居。
「﹙小時候﹚施魅力父親每天只給他六毛錢，他每日上學來回車費用了三毛，午飯是一毛炒麵，一毛炒粉，一毛番薯糖水。早餐沒有預算，只好一早去聖堂做彌撒，為了得到一張換取食物的贈劵︰『好似Oliver Twist咁攞張換物劵，可以換一碗麥皮同一個麵包。』」
陳伯 ﹙已歿﹚
一九二四年內地出生，曾當電影拷貝運送員、眼鏡師傅及保安。已婚，兒孫滿堂 。
「﹙戰後﹚英軍接收香港，通街都係垃圾，好多……後嚟英軍收復香港嘞，就想出一個方法，因為糧食最重要，佢呢就每日畀一蚊你，請人清潔啲街道，咁呀好多人都走去做啦，冇嘢做，你梗係做。」
明哥 ﹙已歿﹚
一九三五年汕頭出生，曾當紗廠左派工人、涼茶舖、大排檔、白牌貨VAN司機。已婚，有子女。
「我好肯學㗎，我以前喺布行做，聽收音機，嗰啲粵曲呀，以前《華僑報》就會登粵曲嗰啲歌詞出嚟，咁又照睇佢粵曲啲字，睇到唔識，我就唔怕醜，我問我哋飲茶嗰啲人，先生，呢個咩字？我靠呢啲學返嚟，唔係真係唔識字㗎。」
Robert 英國人
一九四七年倫敦出生，英國人，曾當香港皇家警察、從商及教書。在英國與男伴侶取得法定伴侶關係。
「在﹙警隊﹚受訓時我認識了兩名男同志警察，但是我們很少談論。我想是太害怕了。大家心中有數。我們很害怕，因為那是違法的，你可能因此而要吃上多年的監牢飯。是的，那真是個壓抑的年代。對每個人都一樣，不只是警察。那就是當時的香港。」
伍梅神婆
一九四○年韶關出生，七十二行做勻。單身獨居。
「初初入去做嘅，嗰啲叫做印刷舖，打燈呀，打碳精燈又做過，人哋入去冲印房睇住人哋做嘢呢，師傅無教嘢喎，你睇到多學幾多㗎喎。嗰時喎，一早返到去煲茶水掃地喎，我又捱過，哈，我都真係捱過，七十二行我做勻喇，印刷嘅我又做過；呀，呢個叫做咩呢個收音錄音我又做過，呢個相機我又做過，都係工廠嘅。你就算做到叻一叻都好啦，都無用家嘛。因為你冇學歷，冇文采。」
留言 (0)
