華人首做總社長

【明報專訊】成立109年嘅國際扶輪社，今年首次有華人出任總社長，佢就係黄其光。難得有華人做總社長，佢呢一年任期嘅工作目標會放喺中華地區，除咗要將華人社員由現時3萬幾增至4萬，使到華語可以成為扶輪社第8種法定語言，仲話要大幅增加內地扶輪社嘅數目。


現時香港有53間扶輪社，但內地就只有北京同上海兩間。黃其光話，希望可以喺今年年底前，喺內地開多10間，仲會由香港同澳門派人上去做「保母」，帶埋資金去內地建立新社咁話，可見佢幾大決心。69歲嘅黃其光係台灣人，本身係保險商，由地區總監慢慢升上總社長，2012年當選，未上任就已經將台灣地區嘅扶輪社數目，喺兩年內急增逾兩倍，由200間升到700間，果然係有膽識有料到。