新聞類別
財經
詳情#
【明報專訊】各位讀者，睇到條題千祈唔好亂猜，唔係馬超同趙雲捉住咗關羽，所以唔需要問張飛響唔響度，事實上大家照字面去理解就得，馬雲真係阿里巴巴嗰位馬雲，只不過關羽就唔係三國演義裏面嗰位關二哥啦，而係阿里巴巴一位花名叫「關羽」嘅人力資源部副總裁，因為受賄而畀馬雲大義滅親，將關羽告上法庭。
「關羽」收260萬賄賂
根據阿里巴巴內部通告，呢位姓王嘅高層，員工工號000200，花名「關羽」，係阿里集團人力資源部副總裁，曾經擔任過淘寶網人力資源總監。佢利用自己響人力資源部職務之便，響2010年至2012年將公司年會、集體婚禮、宣傳視頻拍攝等等40幾個項目交畀佢同學間公司負責，從中收受利益。事件被揭發之後，阿里巴巴走去報公安，上個月杭州法院就宣判，「關羽」因為利用公司職務之便收取260萬賄賂，裁定有期徒刑8年半。
小琴聽講，阿里巴巴對於員工操守好嚴格，兩年前仲成立一個「廉正部」，睇個名都知係專門針對作風唔廉正嘅員工。
[小琴密語]
「關羽」收260萬賄賂
根據阿里巴巴內部通告，呢位姓王嘅高層，員工工號000200，花名「關羽」，係阿里集團人力資源部副總裁，曾經擔任過淘寶網人力資源總監。佢利用自己響人力資源部職務之便，響2010年至2012年將公司年會、集體婚禮、宣傳視頻拍攝等等40幾個項目交畀佢同學間公司負責，從中收受利益。事件被揭發之後，阿里巴巴走去報公安，上個月杭州法院就宣判，「關羽」因為利用公司職務之便收取260萬賄賂，裁定有期徒刑8年半。
小琴聽講，阿里巴巴對於員工操守好嚴格，兩年前仲成立一個「廉正部」，睇個名都知係專門針對作風唔廉正嘅員工。
[小琴密語]
留言 (0)
