明報SOPA贏3獎

【明報專訊】亞洲出版業協會（SOPA）今年嘅卓越新聞獎有多達676個作品參加，《明報》喺亞洲99個得獎者中，獲得兩個大獎同一個優異獎，其中攝記李澤彤喺去年六四集會影嘅「守住燭光」，以遮海守住點點燭光嘅意境，攞到卓越新聞攝影大獎，評判嘅評語係「取景嚴謹，寓意深遠」。


讚「守住燭光」相寓意深遠

另一個大獎係卓越偵查報道，明報偵查組以「揭發前廉政專員湯顯明醜聞」得獎，評語形容係「Great investigative reports」，幫助捍衛法治和廉潔政府。


明報嘅一般組同國際組合作報道「熱氣球爆炸 9港客埃及亡慘劇」，則獲得卓越突發新聞優異獎，評語係有良好團隊合作，做到深入背景分析，同時亦有好相片同排版。Emily喺度祝手足繼續努力，做更多好新聞、影更多好相片，贏更多獎。