新聞類別
港聞
詳情#
【明報專訊】海洋公園一年一度「哈囉喂」又請人，連埋後台工作人員、後勤員工同埋扮鬼演員，一共會請2000人，今年扮鬼演員時薪最高有140蚊，較舊年多10蚊，最低都有45蚊。海洋公園演藝節目總監歐陽綺華同Emily講，應徵做演員嘅申請人要通過情境演技、角色投入同劇本演繹3個測試，成功後仲要接受20個鐘訓練，學習點樣嚇人、同遊人互動、應付突發情况，做得好嘅演員最多可以攞到兩成薪金做獎金"口忝"！
周日招聘 請2000人
海洋公園星期日（15號）朝11晚7喺旺角朗豪坊搞「千人嘩鬼大募集」招聘會，歡迎有興趣扮鬼扮馬嘅市民帶埋履歷表、近照去登記，正式面試時間容後再通知。
「面試要夠放」
歐陽綺華話，唔少以前做過哈囉喂演員或者臨時工嘅年輕人，都會重返海洋公園做全職，好似由2008年起連續5年做演員嘅郭婉彤，大專畢業後就加入番海洋公園，
留言 (0)
