鄭伊健笑言孖草蜢撼Big Four

【明報專訊】草蜢前晚第4場紅館演唱會，嘉賓有楊千嬅及鄭伊健。當伊健出場前，現場響起他的名曲《極速》前奏，觀眾已high爆尖叫，大合唱「頭搖又尾擺……」伊健現身耍幾招舞蹈，草蜢伴舞，之後四男在台上攬埋一起兼擺Chok甫士。蘇志威指着一身黑色型仔Look的伊健笑說：「哎呀，我們請錯嘉賓，邊有人靚仔到咁，型仔到無朋友！」蔡一智又爆伊健與草蜢收埋9年的秘密：「每次草蜢演唱會總綵排，鄭伊健一定在場，給好多意見，所以草蜢演唱會不好睇，關鄭伊健事。」伊健笑說：「我還有一個身分，同你們係『Lamb4』撼『Big Four』！」


千嬅答應再續前緣

千嬅讚草蜢好弗，隨便擺個甫士都好正，360度點睇都無事，不用擔心表面好型，後面可能好大個pat pat。蔡一傑提到數年前草蜢與千嬅幾乎合作成功，可惜緣分擦肩而過。千嬅在台上答應盡快再續前緣，然後合唱《愛一次便夠》。


記者：葉靜文

■有片睇﹕http://ol.mingpao.com/ent.htm