湯家驊又猶豫 6．22唔投票

【明報專訊】佔中將舉行6．22全民投票，公民黨湯家驊（Ronny）話過唔想去投票，後來又因為佔中肯增加投票項目，唔係淨係去支持公民提名，而願意參與。不過，Ronny噚日又猶豫，佢話前日佢搞政改論壇，成班支持公民提名嘅人喺場內場外示威搞亂，Ronny因此擔心佔中投票好心做壞事，唔想去投票，「如果結果出到嚟，被人解讀為支持好似噚日（周日）行動嘅人，去推動佢哋一言堂諗法，甚至逼到溫和政改方案無法推動」。


Ronny噚日喺《在晴朗的一天出發》節目中講到班示威者，佢都好無癮，話如果去投票支持咁樣素質嘅人，爭取番嚟嘅民主「不要也罷」！

「梁連任就大鑊」

不過，Ronny都話，暴民政治根源係家呢個政治制度唔掂，話如果梁振英連任特首就大鑊，香港會出現不可管治嘅情况。Ronny仲話家議會工作被拖拉，政府又唔回應民意，搞成咁，留低做議員可能無咩意思。