夏蕙BB都想有提名權

【明報專訊】港台數碼電視噚日邀請咗學民思潮黃之鋒、自由黨李梓敬同藝人黃夏蕙對談，3個都係話題人物。被網民封為夏蕙BB嘅夏蕙姨，政治理念都好開放，節目上大家都有討論到特首提名問題，夏蕙BB就表明佢都想有提名權，因為咁先夠平等。今次呢個組合咁難得，錄影後，之鋒就主動提出想同夏蕙BB合照，向來熱情嘅夏蕙BB當然無拒絕，估唔到佢仲拎出私伙相機，同之鋒講「梗係要同你影」。


出動私伙機同之鋒留影

之鋒被問到學民思潮會唔會提早喺7．1佔中時就話，所有非暴力行動都會考慮，但呢刻最關注係點樣呼籲更多人喺6．22投票。