張家輝唔覺似球星美斯

【明報專訊】張家輝與劉心悠昨日出席adidas活動跟6米高的《足球小將》戴志偉與麥泰萊巨型模型合照。世界盃將至，家輝並非足球狂熱分子，但這盛事不會錯過。他笑言孤獨成性，不會約朋友同睇波，情願在家欣賞並跟朋友電話吹水，要是太太睡不着也會陪他。


家輝捧德國隊場，球星則不得不捧被網民指跟他餅印似的阿根廷名將美斯（Lionel Messi）。他聽過足球評述講波時說：「張家輝被剷低、張家輝入球……」他自覺跟美斯不相像，但認同對方是超級足球明星，有技術跟他一樣不是只賣靚仔樣，要讚美斯懂得搵人似。家輝早在電影《賭俠1999》笠頭套扮朗拿度，他笑說：「這橋段是work的，但王晶後來又用了幾次，由別人演就沒有我咁好囉！」


劉心悠面生粒粒

昨日「女神」劉心悠穿著球衣短褲出席活動，由於近日頻到外地令皮膚變差，臉上長了不少粒粒。心悠稱醫生要她多休息，但半夜落大雨打在冷氣機的聲似打鼓也影響睡眠質素。她睇世界盃會揀靚仔球星追看，但未想過去夜場睇波兼識男仔，大家專心睇波也沒人會留意她。問到捱夜睇世界盃會否令皮膚更差？她說會敷着面膜睇波。


記者：唐嘉晞