【明報專訊】置業對不少港青而言是遙不可及，但對於44歲加籍港人移民第二代Kerry Chow來說，只是送給自己的第一份成年禮物。自小深明致富靠自律的Kerry，年少時憑着在演唱會場館外賣爆谷，每晚掙1500港元，加上5年節儉儲蓄，18歲便獨力買下溫哥華2000方呎房子。大學畢業後投身社會，Kerry堅持將六成月薪用作投資儲蓄，股票、外匯及房地產三線發展，令他過了40歲不久就能瀟灑退休，全職湊仔兼投入最愛的龍舟運動，惹人羨慕。Kerry未有自命不凡，相信人人期望可達到﹕「只要你肯犧牲眼前享受，去換取更好將來。」
香港龍舟嘉年華前日（6日）至今日一連3天在尖東維港舉行，來自10個國家或地區共160個龍舟會參加，其中退休後全情投入玩龍舟，每年統籌美加健兒到香港、意大利、三藩市等地作賽的Kerry，亦帶領200多名健兒來港。Kerry在加拿大讀大學時主修金融，副修電腦，畢業後從事股票市場電腦程式工作，多年努力換來高薪厚職，近年在事業高峰引退，逐步減少工作，現時已全面退休。
投資回報已夠三口生活
「其實我無諗過咁早（退休），我都以為自己會一路做到60歲，但既然有積蓄，投資有回報，我想選擇過自己鍾意、開心嘅生活，我想每朝早起身問自己『Are you doing what makes you happy？』我嘅答案都係『yes』。」堅持將薪金六成用作儲蓄投資的Kerry說，退休後靠投資組合的回報和利息，已足夠一家三口生活，但笑言從事鮮花貿易的太太不時抱怨他太早退休，在家又未有幫手做家務，只顧跟兒子玩。
賣爆谷5年 18歲買屋
Kerry退休前是專業人士，但他人生中第一桶金乃拜做小販賣爆谷所賜，「無人教我，我細個已經明白，所有嘅有錢人都好勤力，成功唔可以靠『走精面』，唔付出過點會有回報？」5年間風雨不改，他逢有演唱會就推車仔賣爆谷，苦幹換來一間屋，這在地少人多、樓價驚人的香港顯得超現實，Kerry亦說明白兩地不同，但仍寄語港青莫只顧眼前舒適，別怕吃多點苦，努力儲錢。
寄語年輕人莫只顧眼前舒適
談及參與近30年的龍舟運動，Kerry說原來與香港也有淵緣，「1985年，香港政府送咗8隻龍舟畀溫哥華搞展覽，起動龍舟運動，我當時答應過有朝一日會回報﹕就係帶隊返嚟運動起源地（香港）比賽」。最終他沒食言，今年已是連續第5年率領過百美加健兒來港。退休生活仍「流流長」，Kerry說龍舟消耗體力大，預算多玩5年就要退下火線，之後有意回流香港「養老」，現時正在半山區睇樓。
冀有快樂童年 不欲兒子回港
雖然Kerry打算日後回流香港，但不希望10歲子在港渡童年。「個仔仲細嘅時候，我一定唔會選擇返香港，（在香港）佢唔會有健康、開心、自由發展嘅童年」。
Kerry年輕時靠賣爆谷掙錢，因此不想兒子依賴父母，失去獨立能力，未來有意送他到美國升學，也會安排寄住朋友家，絕不會幫他買樓或請傭人照顧，「我嘅底線係（兒子）一定唔可以唔讀書又唔工作，錢無咗唔緊要，但熱情唔可以無，希望佢搵到一樣自己最喜歡嘅事，再好努力咁去做，咁樣就係最開心嘅人生」。
Kerry預告明年將帶領美加1000名女性乳癌病人及康復者來港作賽，事實上，不少婦科醫生指划船有助強化胸部肌肉，盼藉此為下屆比賽添另一番意義。
明報記者 周婷
新聞類別
港聞
詳情#
留言 (0)
