阿里攞意頭「雙8」上市

【明報專訊】大日子要好意頭，但好似馬雲咁對「8」字迷信之深，且又大方表露嘅就真係唔多。彭博噚日引述消息，話馬雲為求阿里巴巴上市有好意頭，計劃將集團掛牌日定為今年8月8號，而股票代號就叫BABA。假如消息屬實，阿里最快下月中就要路演，預計歷時3星期。


其實馬雲對8嘅鍾愛早有跡象。想當年集團旗下B2B平台喺香港上市嘅股票代號就係1688，只可惜最後發大財嘅唔係小股東。而阿里巴巴嘅上市計劃書顯示，馬雲喺集團持股8.9%，公司改為合伙人制度後，揀選咗28位合伙人。有趣嘅係，市場俾阿里上市後市值嘅預估都係1680億美元！


另外，據悉馬雲今日將會同恒大（3333）主席許家印相會廣州，攜手召開新聞發布會。兩位要搞咩就暫時未知，但個會嘅開始時間都十分詭異，係上11點11分。


[小琴密語]