順豐快遞開便利店

【明報專訊】順豐快遞生意愈做愈大，老細不滿足在物流老本行做強做大，仲要跨界，前排就搞埋便利店，起名「嘿客」，一下子係全國開咗500幾間舖頭，家陣又話要進軍保險，聽聞已經開始招兵買馬！

呢幾年，淘寶、京東呢的網上購物喺內地大有市場，而網上購物少不了物流配送，一眾民營的快遞公司應運而生，順豐即是其中做得最大也最出名的一個。舊年10月，順豐老細王衛與央企招商局集團總裁李建紅正式會面傾生意，竟然著住破洞牛仔褲，被內地網民一片叫好。

物流做得好都唔夠，聽聞順豐喺3年前就想開便利店，深圳都有試點，不過一直到今年5月，「嘿客」先至正式投入運行，首批就喺全國開了518家門店。

順豐從做快遞起家，喺首間買入飛機經營的民營快運公企業，家陣更進軍金融業，發展可用神速來形容。

[小琴密語]