陶傑：最緊要有得揀

【明報專訊】各界關注特首選舉，專欄作家陶傑噚日喺「植物蛋黃醬」試食會，用「植物蛋」同「真雞蛋」比喻特首選舉，話每個人有自己喜好，「無論真蛋假蛋，最緊要有得揀」。佢話，正如特首選舉，大家最初覺得梁振英係「真雞蛋」，最終覺得唔好嘅，可以揀第二個咁話。


「佔領中環」今個月22日舉行全民投票，選一個代表佔中嘅政改方案。陶傑話，6月22日一定去投票，選出一個「最民主」嘅方案，但最終揀邊個，佢仍然要考慮。佢又話，其實年輕人為咗將來，先要走出嚟投票。


對於有關長和系主席李嘉誠撤資問題，陶傑話，香港有資金進出好正常，唔可以話投資就愛國、撤資就抗中喎。