台大讀政治 學懂搞社運

【明報專訊】蘇嘉豪小時候是個「曳仔」，幼稚園手冊蓋滿投訴他嘈吵傾偈的「雀仔」印，但愛抱不平的個性令他自小體察弱勢艱苦，「細個見到露宿老人覺得好可憐，好想幫，嗰種感受一直都記得」。兩年前，蘇嘉豪趁台大放假回澳，與朋友成立「澳門良心」，為不同社會議題發聲，同年發起第一次反巴士加價遊行，寥寥50人參加；事隔兩年，他帶領萬名群眾走上街頭，「澳門需要我，唔係因為我自大，而係（澳門）需要有能力將死水搞活嘅人」。


「抱怨政治黑暗可改善社會？」

蘇嘉豪出身基層，是家中獨子，父母分別從事裝修和清潔，他笑言在全民就業的澳門「點都唔會餓死」。這名「曳仔」成績不差，加上報讀對澳門學生屬冷門的政治系，順利考入台大，4年間積極參與和觀察台灣的學生運動及社會運動，練出今日面對群眾的冷靜泰然。蘇嘉豪覺得生命就是離不開政治，對於「有事喊公義、無事厭政治」的人最看不過眼。他說：「成日抱怨政治黑暗，難道咁樣會令社會變得更好？一日唔認識政治，你永遠畀人呃！」


蘇嘉豪說，今次「反離保」運動成功，令他對從政意志更堅定，目前仍以參選下屆澳門立法會為目標。