IBM否認被封殺

【明報專訊】IBM前日被傳旗下服務器被中國政府封殺，咁啱噚日IBM喺香港搞咗個活動宣傳雲計算服務，自然成為傳媒焦點，不過公司就直情發埋聲明，話已經問過連發改委都無聽過呢單嘢，強調IBM係「可信賴的合作伙伴」。連發改委都搬埋出嚟，但中國國情複雜，真係唔知信邊樣嘢好。


查實噚日有份出席公司活動嘅IBM內地高層、駐廣州大中華區雲計算事業部營銷總監羅啟明（圖），會後已經即刻畀記者追問事件真相，但就封口話無嘢講。


不過IBM都知唔答記者都唔心息，會後出咗份聲明，話「IBM並未聽說中國政府有關不得在國內的銀行業中使用IBM服務器的政策。目前在多個新聞報道中也已提及，國家發改委未曾聽說任何與此政策相關的所謂指令。IBM紮根中國已經超過30年，是一個可信賴的合作伙伴。」可以咁樣搬埋發改委出嚟，睇嚟IBM同發改委關係唔錯，不過就唔知係咪真係幫到手啦。


[小琴密語]