阿牛製「坦克」悼六四

【明報專訊】下星期係六四事件25周年，周日又會有大遊行，社運人士曾健成（阿牛，左）同朋友今年又有新創作，整咗部「坦克車」出席遊行及燭光晚會。阿牛話六四最標誌性場面係坦克車清場，所以想透過呢部「坦克車」反映當年情况。


呢部車底盤其實係三輪車，木板外層，要人力發動，「殺傷力」細好多。佢又話，當「坦克車」現身大遊行時，應該成街有好多「王維林」擋坦克。阿牛今晚會幫「坦克車」上油，仲話呢部係愛心坦克，無炮彈，反而諗緊可唔可以做到射氣泡效果。


（曾健成facebook圖片）