蘇錦樑閃釘鞋 議員「接受唔到」

【明報專訊】商務及經濟發展局長蘇錦樑噚日突然著住對鑲咗對好多閃釘嘅皮鞋現身立法會（圖），原來佢朝早去中區元創方參觀兼購物。唔好睇少呢對鞋，佢話係本地設計師Harrison Wong設計，值2000幾元。局長仲話買咗個豹紋入耳式耳筒，價值68元，認真畀足元創方面！不過，有議員唔多欣賞局長嘅品味，民建聯黃定光話「接受唔到」、「太多蠟蠟令嘅嘢我唔係咁like」。工聯會黃國健笑笑口話﹕「靚，我點敢話唔靚？」最搞笑係立會秘書長陳維安，居然問：「係咪自己釘上去㗎？」