貼巴士哺乳照嘲諷 團體批愚昧

【明報專訊】最近有人喺facebook貼咗張相，鬧個女人喺巴士上面餵母乳，「呢個大陸女人夠膽死喺架車上餵人奶，就唔好攞塊布遮住啦」。估唔到幅相辣㷫好多餵母乳嘅媽媽。香港母乳育嬰協會主席馮鄧妙智同Emily講，「BB肚餓，媽媽就要餵佢食奶，係天職，不管喺邊度，大家唔應該用奇異嘅眼光睇婦女喺公眾場所餵人奶」。


馮太話，將內地人喺車廂屙屎屙尿，等同媽媽喺車上餵奶都係咁無文化，係愚昧無知。亦有網民留言﹕「歧視大陸人？歧視在公眾地方餵奶呢個行為？人哋都用條布遮著啦，仲想點？」馮太話餵奶係媽媽天職，其實連餵奶巾都唔使用，若果怕走光，可以喺開始餵奶同餵完奶時，用餵奶巾遮一遮。