中移送股東電話卡 一石二鳥

【明報專訊】唔少上市公司搞股東會，都會派啲禮物畀小股東，當係答謝佢哋支持公司。小琴見好多時都係派食物、西餅咁，但噚日中移動（0941）派嘅禮物相當有心思，小股東收到價值80元的儲值電話卡，仲可以用嚟打長途電話同上網。


有小股東話作為忠心股東，當然鍾意電話卡啦，但寧願集團派少啲，慳番啲開支喎。之但係諗深一層，一場股東會隨時200幾、300人，派電話卡股東開心之餘，仲可以乘機做埋宣傳，中移動今次一石二鳥、一卡兩用，都咪話唔有心思呀。


[小琴密語]