職工協會靚蛋糕賀明報55歲

【明報專訊】《明報》噚日又大一歲，55周年喇，今年仲有一個意想不到嘅生日會，就係早排成立嘅明報職工協會為明報搞嘅。為表誠意，協會理事構思蛋糕嘅設計（圖），上面有報頭，有代表新聞自由同言論自由嘅藍絲帶，亦有「雨來傘擋」標語，手工精緻。


老闆：繼續「是其是非其非」

噚晚6點半，數十名同事喺電梯大堂出席生日會，協會主席郭慶輝發言時引用明報老闆、世界華文媒體集團主席張曉卿嘅講話，話明報繼續係是其是、非其非嘅知識分子報章，令到佢哋好鼓舞，大老闆同協會理念都一致，希望大家繼續不偏不倚為市民發聲。理事黃振豪就話呢幾個月大家緊守崗位，今次生日會，要為自己同埋喺康復院嘅前總編輯劉進圖打氣。


除咗有蛋糕食，逾40名同事喺「願望樹」上貼上對明報嘅生日願望，「新聞自由」同「不偏不倚」最多人寫，亦有人寫上「不黨 不私 不盲 不賣 正派辦報」，亦有人表達咗打工仔心聲，寫上大大個「$」符號。Emily希望大家都願望成真！