港「公司治」全球第八……貴

【明報專訊】酒店預訂網站Hotels.com噚日公布最新「公司三文治指數」調查，發現全球28個旅遊城市酒店嘅公司三文治，平均要140元（港元，下同）一份，比起上年平咗7%。香港酒店供應嘅公司三文治，就以平均165元一份「擊敗」首爾、新加坡、北京等地，「成功」躋身全球八大嘅昂貴城市，喺亞洲排第二。至於全球最貴價公司三文治，由瑞士日內瓦以253元「衛冕」。


網站話，一份包括雞肉、煙肉、雞蛋、生菜同蛋黃醬嘅公司三文治，係酒店其中一樣最常見嘅消費項目，所以每年都會做調查，幫客人規劃度假預算。調查收集全球28個旅遊城市、840間酒店嘅公司三文治價格，日本東京位列亞洲第一，平均要171元一份公司三文治。


至於全球最貴三甲，就由瑞士日內瓦、法國巴黎同芬蘭赫爾辛基，分別係253元、228元同189元；印度新德里就以68元成為全球最平。不過Emily去旅行嘅話，都係揀番當地美食，唔會食公司三文治咁寡。