在美港人越洋烽煙：「紐約人好憎韋達誠」

【明報專訊】高鐵工程延誤醜聞持續咗成個月，加上港鐵近期發生唔少事故，市民對港鐵嘅怨氣愈積愈多，港鐵行政總裁韋達誠成眾矢之的，就連居美國嘅港人都睇唔過眼。居住美國20幾年、任職投資銀行電腦部門嘅李先生（Edward），噚日趁有線電視《周日不講理》傾緊高鐵事件時，越洋烽煙投訴韋達誠，話「紐約人都好憎韋達誠」。


話韋管理地鐵不及格

Emily之後致電Edward問點解，佢話韋達誠任職紐約市大都會運輸局（MTA）行政總裁時，管理紐約地鐵嘅表現可以用fail（不及格）嚟形容；佢以自己每日往返紐約嘅Time Square為例，韋達誠在任時大幅加車費，但車站設施一直無改善。佢話紐約地鐵殘舊，經常延誤甚至故障，車站月台無冷氣，最難受係車站好污糟，成日見到老鼠出沒。Edward又話，韋達誠以往都已經唔理當地傳媒，加上港鐵服務喺世界上有好好名聲，完全唔明點解港鐵會搵佢嚟做行政總裁。


一直跟進事件嘅立法會鐵路事宜小組委員會主席田北辰話，現時已掌握大部分高鐵延誤嘅資料，當務之急係要向港鐵管理層問責。