為劉進圖舉步鼓掌

【明報專訊】噚晚香港記者協會舉辦周年籌款晚宴，單係賣枱已經有48圍，籌到130萬元，相信係各界喺香港風雨飄搖之時對記協最好嘅幫助。不過，晚宴並無主禮嘉賓，皆因原本邀請咗嘅立法會主席曾鈺成，因為立法會拉布要留喺立法會。不過，唔少議員都賞面出席，包括公民黨梁家傑、毛孟靜等


《明報》前總編輯劉進圖（Kevin）遇襲被斬，記協特別去搵佢拍咗條短片，交代佢康復情况，當睇到Kevin用拐杖行路，全場都拍手讚好。


拉布令主禮曾鈺成缺席

Kevin嘅太太Vivien噚晚上台話，佢兩公婆當年都有做記協執委，佢話Kevin遇襲令新聞界老、中、青愈來愈團結，維護新聞自由，又好開心聽到好多學生想加入行業，做偵查報道。


劉太：兩公婆都做過記協

Vivien話，Kevin家做緊密集式治療，佢話Kevin講笑咁話好似入軍營，但都希望盡快同大家一齊做新聞工作。最後全場一齊舉起開住嘅手機，用亮光支持劉進圖。