港大圖書館現便便 10步內有廁所

【明報專訊】Emily噚晚邊食飯邊睇facebook，點知睇到差啲反胃。事緣網上瘋傳一張「便便」相，話喺香港大學圖書館內有人遺下一坨糞便（圖），案發現場係主大樓圖書館3樓上4樓嘅樓梯轉角位，仲話10步之內已有洗手間。


「便便」引起網民熱烈討論，有人留言話，雖然嗰條樓梯唔係必經之路，但現時學校考緊試，唔少同學都喺圖書館溫書，所以不時都有學生經過。有港大學生就話，圖書館要「拍卡」先可以入，認為係學生或教職員所為；亦有學生留言批評，遺糞位置距離洗手間極近，加上每層都有洗手間，認為隨處便溺不合衛生，覺得好氣憤、震驚。


港大發言人回應查詢時證實，前日發現糞便後，即時清理消毒，期望使用圖書館嘅人能尊重自己，顧及別人。